انا ماشي...اسمعيني....خلي كلامي حلقه في ودنك
نور عيني....هتوحشيني....كان نفسي اموت في حضنك
خلي بالك من نفسك....وافتكريني في اليوم دقيقه
كنت ولسه وهفضل احبك....يا احلى واغلى حقيقه
ده قدرنا ......الامل يكسرنا........يهد كل حاجه حلوه
ملناش نصيب....حبيبه وحبيب....تقتلهم الاحلام ع سهوه
وانا هطمن عليكي
لما اسأل قلبي عليكي
صحيح مش هشوف عينيكي
بس هكون حاسس بيكي
هفتكرك دايما وادعيلك
وساعات هتلاقيني اناديلك
صحيح مش هعرف اجيلك
بس هزورك نسمه في ليلك
هتاخدنا الايام مش هتجيبنا...انا عارف متأكد وشايف
طب نعمل ايه بس نصيبنا....ومالوش مكان كلام الشفايف
يا خوفي اسيبك للدنيا دي
اصل الفراق احساس مش عادي
لا عمره كان ولا هيكون
احساس بيمر علينا هاادي
قربي خليني اشبع منك
مانا بعد ثانيه هابعد عنك
هقدم خطوه وابص عليكي
مانا مش قادر استغنى عنك
واشمعنى احنا اللي انجرحنا....يا دنيا كنتي سيبينا في حالنا
ووووهو احنا يعني لحقنا فرحنا.....لما هنبكي على مووالنا
يااااه قلوب كتير حصلها ...نفس اللي حصلنا
بس للأسف مكنتش......على قد درجة حبنا
هسيبك والله على عيني.......ليكي وليا ربنا
لو لينا نصيب هنتقابل....لو مش بالعيون يبقى بقلبنا
هناك تعليق واحد:
السلام عليكم
بجد ما شاء الله
أنا عيني بتدمع من الكلام ده
جميييييييييييييييييييييل قووووووووى
ربنا يزيدك بجد
مفيش حاجة تتقال غير
صحيح البعد بيعلم
ربنا يوفقك استمرررررررر
سلااااااام
إرسال تعليق