بحبك يا ابو قلب حديد وراضى بالمكتوب
وعشانك حبيت الدنيا لو حتى ابات مغلوب
فى عيونك انا شايف نار والعطف فى عينيك مشطوب
وجهنم مرسومه فى عيونك ولونك ولا جمر الطوب
واخيراً انت الشيكولاته وقوامك هو المرغوب
* * * * * *
يا حبيبى انا خايف اتوب من حبك اللى شاغل بالى
وكمان ما اقدرش استنى دا غرامك غيرلى حالى
من يوم ما عرفتك بصراحه بقول لخالتى يا خالى
وطريقى بقى عكس الناس والدنيا ما تقولش ليالى
شوف حبك عامل ايه فيا وطيفك ما فارقش خيالى
* * * * * *
ليه ُتسكن جوا فى قلبى وتقيد فى القلب النار
دا غيرك طالب ودى وورايا ليل ونهار
الُمده اللى انت قضيتها مش طالب ليها إيجار
وُمنايا ان انت تعزل وتشيل من قلبى النار
وامانه عليك تراسلنى وما تكون دايماً غدار
* * * * * *
الناس تماللى تحب وتماللى تكون مبسوطه
ليه لما انا جيت احبك غيرلى الحب شروطه
انا بادعى عليه واستغفر واستغفر وادعى عليه
دا سقانى الُمر فى كاس وشوفت النار فى عنيه
امانه يا اهل الحب إن جه الحب ينادى ممنوع الرد عليه
وأهى غلطه ومش ها تعود وان عادت يبقوا اتنين!!!!!
تحياتى لكم
°ˆ~*¤®§( Happy New Year )§®¤*~ˆ°
هناك 8 تعليقات:
الكلام الجامد دا
واضح أن 2009 سنة الأبداع ;)
كل سنة وأنت طيب
سلام
لذيذة
بس حاسة انه مش بيحبها ده هو عايز يقتلها :D
سلام
key of life
وانتى طيبة شكلها كدة سنة ابدااع
:)
MY FATE
لا بالعكس دة بيحبها جدا
إيه الكلام الجامد ده
بس ياعينى هو الحب بيعمل كل ده
بس أنا مش عارفة الحتة دى
انا بادعى عليه واستغفر واستغفر وادعى عليه
إزاى حد ممكن يدعى على اللى بيحبه مهما عمل فيه
دة من ورا قلبو مش من قلبو طبعا ;)
هو تقريبا بيحب فى حجر صخر حاجه كده ;D (واد لو شوفتنى ما تضربنيش)
انت عارف راى طبعا
...زووووووووووووووووفتتتتتتتتت...
سلام
يابو قلب رقيق وراضى بالعلقه السخنه ;D
لالا هو قلبو رقيق بس متنكر بابو قلب حجر بس هو غير كدة خالص
انا طبعا اما اشوفك انت عارف انا هعمل فيك اية هبوسك طبعا :)
سلام يا ضوضاء
واطلع برة باة زهقتنا ;)
بجد جامده جدا
سعات الحب حلو وسعات أكتر بيكون كده
بس برده أكيد من ورا قلبه، وفى النهايه برده هو اٍحساس حلو
جميــــــــــــــــله
إرسال تعليق